http://www.facebook.com/lamfungfrances
http://www.facebook.com/tagconcept
【皮膚護駕之選！風繼續吹，Red face遠離～】
M.E. SKINLAB COSMETICS 27 COMPLEX 27 BIO-SOOTHING LIFTING SERUM 舒緩敏感精華30ml
對於一啲皮膚容易敏感嘅豬妹豬仔嚟講，一有咩事塊面就會吹雞起紅腫，真係串過碼頭咕喱吖！諗住對佢好啲買啲貴價護膚品孝敬下佢啦，點知佢又發脾四敏感發作... 所以話皮膚有時就好似你班港女一樣，養唔熟呀！你以為敏感就乜都唔好用，由塊面自己冷靜下？Mola mola... 事實係愈靜愈乾，仲乾到你皮肉分離呀！肚餓就話可以call鄭嘉穎啫，家下塊面又紅又甩皮我可以call邊位呀？
雖然M.E. SKINLAB COSMETICS 27 was born in France，但大家係唔需要撥個長途過去嘅，事關瘋瘋已經將差不多成個系列哈爾移動城堡咁移咗去TAG Concept嘞！呢個由法國女藥劑師硏發嘅品牌，不經不覺已經駐守咗TAG Concept大半年！唔係香港天氣轉到九彩咁，老子都未必試得真佢個降敏伏妖威力呀！
Introduce返先，COMPLEX 27係一支針對皮膚敏感及舒緩肌膚疲態嘅補濕精華！由99%天然成分提煉而成，強效補濕，笨且呵豬攰到想作病嘅皮膚！仲有效緊致肌膚，提升彈性同光澤！
咁其實COMPLEX 27有乜符fit可以令跳掣皮膚順返個攤呢？金盞花、香蜂草以及萵苣葉萃取，可以由外而內，再由內滲返向外咁鎮靜敏感緊嘅皮膚！同時抗菌抗炎，幫助調節受破壞嘅pH值！補濕方面，有透明質酸及脯氨酸做主力消防員，全力射水，深層滋潤dry到結繭嘅肌膚，令皮膚維持柔軟緊致光澤嘅仙氣狀態！Be千，當然唔少得COSMETICS 27嘅賣點成分積雪草提取物啦！有效強化及重組肌膚細胞結構，修復皮膚防禦屏障！
眾所9知啦，瘋瘋就長期拋塊面出嚟敏感嘅！話說老子上星期去咗台北做脂dragon，一到步已經橫風橫雨，又濕又凍！我都算到自己有敏感一劫架喇... 夜晚喺酒店沖完涼已經紅都面晒，啲敏感就好似Carrie啲嬲嬲咁上到個鼻度... 好彩我帶咗CLEANSER 27同COMPLEX 27呢兩大護法跟身，打救易敏感又缺水嘅皮膚！之後果兩日大風到離罩，朕嘅龍體都安然無恙，望落去仲精神到有幾分俊俏添！COMPLEX 27實在係居家旅行，舒緩敏感，必備良藥啊！
